Fyrirtækið Anamma frá Svíþjóð býr til allskonar mat fyrir grænmetisætur. Ég hef aldrei getað borðað neitt frá þeim þar sem þau hafa ekki verið að framleiða vegan vörur. Þangað til fyrir stuttu. Nú eru komnar vegan vörur frá þeim í Bónus og Hagkaup. Þau eru með borgara, sænskar "kjöt" bollur og soya bita. Vörurnar sjáið þið hér og við vonum bara að íslensku búðirnar fari að flytja inn fleira af listanum.
Ég prófaði "kjöt" bollurnar um daginn. Eldaði þær í ofni og bar fram með dýrindis sveppa sósu og ofnbökuðum kartöflum. Bollurnar minntu mig svo á kjötbollurnar sem ég var vön að kaupa í Ikea. Mér fannst alveg svolítið erfitt að borða þær og lá við að ég þyrfti að skoða umbúðirnar þrisvar til að fullvissa mig um að þetta væri vegan matur.
Ég er aðeins búin að leika mér með soya bitana. Ég hef bæði prófað að steikja þá á pönnu og setja í vefjur ásamt baunum, grænmeti og BBQ sósu. Það sló svo sannarlega í gegn. Einnig hef ég steikt þá og borðað með miklu grænmeti og tahini sósu. Það var mjög fínt líka.
Í dag langaði mig í einhvern djúsí karrýrétt. Ég ákvað því að týna það til sem ég átti í ísskápnum og skella í hrísgrjónapönnu.
Þá datt mér í hug að sjá hvort það væri ekki upplagt að nota bitana í réttinn og þar hafði ég sko rétt fyrir mér.
1 brokkólí haus
7 sveppir
1 hvítlauksgeiri
1/4 gúrka - skorin í mjög litla bita og miðjan tekin úr
1/4 gúrka - skorin í mjög litla bita og miðjan tekin úr
1 og 1/2 bolli hrísgrjón
Grænmetiskraftur
Lítil dós kókosmjólk
Soya bitar frá anamma - ég notaði það sem ég átti eftir í frystinum bara.
Karrý
Turmeric
Cayenne pipar
Salt
Á meðan setti ég grænmetið á pönnu og steikti upp úr smá ólífuolíu. Eftir sirka 5 mín bætti ég kókosmjólkinni, soya bitunum og kryddunum útí. Eins og vanalega kryddaði ég bara eftir smekk. Þegar bæði hrísgrjónin og grænmetið varð tilbúið bætti ég grjónunum á pönnuna og smakkaði til. Ég þurfti að bæta örlitlu salti við.
Þetta var alveg þrælgott og tók mig enga stund að gera. Ég er komin með algjört hrísgrjóna æði og elska að nota þau í rétti. Ég held samt að þetta sé mjög gott með quinoa fyrir þá sem vilja það frekar en grjónin. :)
Helga María