Tófúhræra er mjög þægilegur og góður réttur. Mér finnst mjög hentugt
að búa til rétti þar sem ég get nýtt afganga og tófúhræra er einmitt tilvalin í svoleiðis, hvort sem þú átt afgang af soðnum hrísgrjónum, kartöflum eða átt grænmeti inni í ísskáp sem er algjörlega á seinasta séns.
að búa til rétti þar sem ég get nýtt afganga og tófúhræra er einmitt tilvalin í svoleiðis, hvort sem þú átt afgang af soðnum hrísgrjónum, kartöflum eða átt grænmeti inni í ísskáp sem er algjörlega á seinasta séns.
1 tófústykki
1 lítill gulur laukur1/2 rauð paprika
1/2 haus spergilkál
1/2 askja sveppir
Grænmetiskraftur
Salt
Pipar
1 tsk Hvítlauksduft
1/2 tsk túmerik
2 msk næringarger
Vatn eftir smekk
1 bolli kínóa á móti 2 bollum að vatni
(Ég sýð kínóa í potti og set yfirleitt 1 bolla kínóa og 2 bolla vatn og bæti örlitlum græmetiskrafti úti. - Athugið að þetta er of mikið magn af kínóa til að setja út í eina hræru og geri ég það viljandi því ég elska að eiga soðið kínóa í boxi inní ísskáp sem ég get notað í hádegismat eða þegar ég hef lítinn tíma til þess að útbúa mat.)
1.Ég byrjaði á því að skera niður grænmetið og skellti því á pönnuna. Á sama tíma byrjaði ég að sjóða kínóa í öðrum potti.
2. Því næst muldi ég tófúið niður með höndunum yfir grænmetið og blandaði vel saman.
3. Mér finnst áferðin á hrærunni verða betri ef maður eldar hana uppúr vatni frekar en að steikja hana svo ég bæti alltaf örlitlu vatni í einu þangað til hún verður tilbúin.
4. Þegar hræran var búin að malla í sirka 10 mín bætti ég kryddunum útí og leyfði þessu að malla í sirka 5 mínútur í viðbót.
5. Að lokum blandaði ég eins miklu kínóa útí og mér fannst passa.
***
Þessi hráefnalisti er svo sannarlega ekkert heilagur. Ég geri hræruna eiginlega aldrei eins í hvert skipti og mér finnst mjög gaman að prófa mig áfram með mismunandi hráefni og ég get eiginlega sagt að hún komi alltaf vel út sama hvað manni dettur í hug að henda útí hana :)
Helga María